Qazaqstannyń jastary - eldiń basty baılyǵy. Elimizdiń úmiti, jarqyn bolashaǵy – jastar. Sondyqtan jastarǵa zor úmit artyp otyr. Sonymen qatar jastardyń zamana talabyna saı bilim deńgeıi de jyldan-jylǵa joǵarylaýda. Qazirgi kezde shetelde bilim alyp, sol bilimdi jas shákirtterge úıretip jatqan mamandar jeterlik. Jastar jyly - jastardyń ózin damytýyna úlken múmkindik. Oǵan dálel - mektep oqýshylaryna, JOO-stýdentterine bilim alýǵa berilgen úlken múmkindikter. Bıyl 2022 jyly memleket tarapynan 73 myń grant bólindi.
Stýdentterdiń stependıasy eki ese artty. Ulttyq biryńǵaı testileýdi eki ret tapsyrýǵa da múmkindik berdi. Memleketten berilgen osyndaı jaqsy múmkindikterdi qalaısha durys paıdalanbasqa?
Memleket tarapynan barlyq jaǵdaı jasalyp otyr, ony endi odan ári damytý bizderge, ıaǵnı jastarǵa, baılanysty. Qaı zamanda bolmasyn, qoǵamnyń qozǵaýshy kúshi - jastar. Búgingi kúnde jastar qoǵamnyń alǵa tartar qozǵaýshy kúshi retinde ozyq ıdeıalarmen bilimmen qarýlanyp, elimizdiń damýyna úles qosýda. «Zamanaýı álemde eldiń qýaty eń aldymen azamattarynyń bilimimen ólshenedi», - dep Prezıdentimiz aıtpaqshy, bilimdi úırenip qana qoımaı, basqalarǵa da sińirýge atsalysý kerek. Bıylǵy 2022 jyldyń túlekterine óte jaqsy múmkindikter berildi.
Ol múmkindikti jaqsy paıdalanyp jatqandar da az emes. Ulttyq testileýden bıylǵy túlekterdiń 67% shekti bal jınap, 211 túlektiń bilim kórsetkishi 130 baldan asty. Bul kórsetkish 2021 jylǵa qaraǵanda jaman emes. Jastarymyz myqty bolyp ósip órkendeýde. Osynyń bári memleketten berilgen múmkindiktiń arqasy, sol arqyly jastarymyz jaqsy nátıje kórsetýde. Osyndaı zor múmkindikter úshin jastarymyz zor alǵys aıtady.