Almaty jastar qalasy, Munda 14 pen 35 jas aralyǵyndaǵy 695,6 myń jas turady. Jastar kúni 1999 jyldan beri 12 tamyzda búkil álemde toılanady. Bul jastarǵa, olardyń jetistikteri men áleýetine arnalǵan erekshe kún.
Kók-Tóbede Halyqaralyq jastar kúnine oraı Almaty qalasy Jastar saıasaty basqarmasynyń qoldaýymen jáne Jastar saıasatyn damytý memlekettik qorynyń uıymdastyrýymen, «Jastarmen birge» ulttyq jastar onkúndigin ótkizý aıasynda «JAS FEST 2024» open air festıvali ótti, dep habarlaıdy aqshamnews.kz
İs-sharaǵa 3000-nan astam adam, onyń ishinde komúnıtı ortalyqtar men ÚEU ókilderi, eriktiler men qala belsendileri qatysty.
İs-sharanyń negizgi maqsaty – Halyqaralyq jastar kúnin merekeleý aıasynda, qala jastarynyń basyn qosyp ádemi kesh ótkizý deıdi uıymdastyrýshylar.
Almaty qalasy jastar saıasaty basqarmasy jastardy qoldaýǵa túrli jobalardy júzege asyryp keledi. Máselen, bıyl 3-12 tamyz aralyǵyndaǵy «Jastarmen birge» ulttyq onkúndik aıasynda Almatyda jastarǵa 60-tan astam ártúrli formattaǵy is-sharalar uıymdastyryldy.
«Búgin osy festıválge dostarymmen kelip erekshe sezimge bólendim. Jastar kúnin qalada osylaı atap ótip jatqany erekshe qýantady. Sheberlik sabaqtar men merekelik konsert qatty unady. JAS FEST sekildi festıváldar qalada jıi ótip tursa eken.» – dedi qala turǵyny Aıaýlym Shapenova.
Festıvál aıasynda konserttik baǵdarlama, sheberlik sabaqtar jáne qalamyzdyń demalys ortalyqtarynyń jármeńkesi uıymdastyryldy.
«Bundaı sharaǵa kelýimniń basty maqsaty tek konsert kórý emes, sondaı-aq jańa dostar taýyp ortamyzdy keńeıtý. Uıymdastyrýshylarǵa úlken alǵysymdy aıtamyn. Kelesi jyly bolsa, taǵy da keler edim» - dedi jas almatylyq Qýat Aıtqalıev.