Qoshqarbek Tasbergenov 1954 jyly Qyzylorda oblysynyń Shıeli aýdanyna qarasty Qazaqstannyń 30 jyldyǵy atyndaǵy keńsharda dúnıege kelgen.
2023 jylǵy 25 qańtar kúni saǵat 16.00-de mýltımedıalyq dástúrli mýzyka ortalyǵynda kúıshi Qoshqarbek Tasbergenovti eske alý maqsatynda «Qazaqtyń qaıtalanbas kúı qyrany» atty dástúrli mýzykalyq kesh ótedi, dep habarlaıdy Almaty-akshamy.kz.
Halyq qaharmany, Memlekettik syılyqtyń laýreaty, kúıshi, kompozıtor Nurǵısa Tilendıev: «Qazirgi kezde men biletin jáne qurmetpen qaraıtyn tórt dombyrashy – óner ıesi bar. Aldymen aıtaıyn, birinshisi de, biregeıi de – óziń. Odan keıingi ózimniń jekemenshik baýyrym Qarshyǵa, Altaıdyń aqıyǵyndaı Maǵaýıa, tórtinshisi – dalamnyń jasyl jýsanyndaı qazaq ıisi bar daryndy kúıshi Shámil Ábiltaev», - dep bir kezderi Syrdyń daryndy uly Qoshqarbek Tasbergenovke laıyqty baǵasyn bergen edi.
Ǵıbratty ǵumyrynda óner áleminiń bıik shyńyna samǵaı bilgen Qoshqarbek Tasbergenov jaıynda áli talaı aıtylary da, jazylary da sózsiz. Bizdiń aıtarymyz, qazaqtyń kúı ónerin jalǵaıtyn osyndaı daryndardyń izin basar, qadamyn jalǵar ónerpazdar men bolashaq urpaqqa nasıhattaý - barshamyzdyń mindetimiz.
Sizderdi «Qazaqtyń qaıtalanbas kúı qyrany» atty dástúrli mýzykalyq keshtiń qurmetti qonaǵy bolýǵa shaqyramyz.
Ótetin orny men ýaqyty: Almaty q., Nurkent 5/11
25 qańtar, 2023 j., saǵat 16:00.
Qosymsha aqparat: 393-40-18, 87471024267
Instagram: @museum_multimediya
Facebook: Mýltımedıalyq dástúrli mýzyka ortalyǵy