«Internet-alaıaqtyq – mıf emes! Abaı bol!».
Almaty polısıasy azamattardy qyraǵy jáne saq bolýǵa shaqyrady, dep habarlaıdy Almaty-akshamy.kz Polisia.kz-ke silteme jasap.
Aldyn alýdyń tıimdi ádisteriniń biri retinde syrtqy jarnamany paıdalaný jatady. Osyǵan oraı, qala ákimdiginiń qoldaýymen Almaty kóshelerine alaıaqtardyń qurbany bolmaý týraly keńester jazylǵan 20 taqyryptyq aqparattyq bannerler ornatyldy. Aldaǵy ýaqytta elektrondy taqtalar arqyly aqparattandyrýdy iske qosý josparlanyp jatyr.
«Internet jelisi keńistiginde alaıaqtyqtyń aldyn alý úshin qala polıseıleri ınternet-alaıaqtardyń kóbeıip bara jatqanyn eskertedi. Esińizde bolsyn, bank qyzmetkerleri eshqashan sizdiń kartańyzdyń derektemelerin suramaıdy, sonymen qatar telefonyńyzǵa keletin kirý kodtaryn aıtýdy talap etpeıdi. Mundaı jaǵdaılarda telefonmen sóılesýdi toqtatyp, bank kartasynda nemese banktiń saıtynda kórsetilgen senim telefonyna qaıta qońyraý shalý kerek. Kóbinese egde jastaǵy adamdar qaskóılerdiń toryna túsip qalady», – deıdi Almaty qalalyq polısıa departamenti bastyǵynyń orynbasary Dıdar Ahanov.
Alaıaqtardyń qurbany bolmaý úshin birneshe keńes: Eshbir jaǵdaıda banktiń telefonyńyzǵa jibergen SMS-kodtaryn, jeke derekterińizdi eshkimge aıtpańyz; Taýardy satyp alý nemese qyzmetterdi alý kezinde shekten tys táýekelge boı aldyrmańyz, satýshy men taýardyń ózin kórýge tyrysyńyz jáne onyń qaýipsiz ekenine kóz jetkizgennen keıin ǵana tólem jasańyz; Tólem kartalary men jeke basyn kýálandyratyn qujattardyń sýretterin eshqashan bógde adamdarǵa jibermeńiz; Bank qyzmetterine qatysty suraqtar boıynsha nómirleri jalpyǵa qoljetimdi, onyń ishinde resmı saıttarda jarıalanǵan bankterdiń CALL-ortalyqtaryna tikeleı habarlasýlaryńyzdy suraımyz; Internet-alaıaqtarynyń qurbany bolý qaýpi týraly otbasyńyz ben dostaryńyzdy eskertińiz. Uqsas jaǵdaılarǵa tap bolsańyz, 102 púltine nemese jaqyn jerdegi polısıa bólimine habarlasyńyz.