Antaláda «Bolashaqqa arnalǵan tuqym» halyqaralyq bıznes-forýmy ótti. Sharany Túrkıa Respýblıkasynyń Tuqym ósirýshiler qaýymdastyǵy uıymdastyrdy, dep habarlaıdy Almaty-akshamy.kz QR Aýyl sharýashylyǵy mınıstrliginiń baspasóz qyzmetine silteme jasap.
Atalǵan is-sharaǵa QR Aýyl sharýashylyǵy vıse-mınıstri Ábilhaıyr Tamabek bastaǵan qazaqstandyq delegasıa qatysyp qaıtty.
Vıse-mınıstr forýmda Qazaqstanda tuqym sharýashylyǵyn damytý boıynsha júrgizilip jatqan jumystar týraly aıtyp berdi.
Atap aıtqanda, ol túrik áriptesterine Qazaqstanda bastapqy tuqym sharýashylyǵyn birlesip damytý qajettiligi týraly aıta otyryp, elimizdiń agroónerkásip keshenine ınvestısıa salýǵa shaqyrdy.
Forýmǵa qatysýshylar QR Úkimeti tarapynan belsendi júrgizilip otyrǵan memlekettik qoldaý sharalaryna qyzyǵýshylyq tanytty.
Paneldik pikirtalas qorytyndysy boıynsha, Qazaqstanda túrik kásipkerleri úshin birlesken jumystyń perspektıvaly baǵyttary retinde kókónis óndirý, baý-baqsha ósirý, aýyl sharýashylyǵy tehnıkalary men jabdyqtaryn óndirý, jemister men kókónisterdi óńdeý, qant, kondıterlik ónimder óndirý, sondaı-aq qant qyzylshasyn, jemister men kókónisterdi tereń óńdeý ónimderin óndirý bolyp kórinetini aıtyldy.