Batys Qazaqstan oblysy boıynsha shekara qyzmeti departamentiniń bólim bastyǵy júrgizýshi kýáliginen aıyrylǵanyna qaramastan, kólik júrgizgeni úshin ustaldy, dep habarlaıdy aqshamnews.kz oblystyq sottyń baspasóz qyzmetine silteme jasap.
Qaýlyǵa sáıkes, er adam 2024 jylǵy 14 mamyrda ÁQBtK-niń 608-babynyń 1-bóligimen (júrgizýshiniń kólik quralyn alkogóldik, esirtkilik jáne (nemese) ýytqumarlyq masań kúıde basqarýy) boıynsha kýáliginen aıyrylǵan.
Alaıda ol 2024 jyldyń 15 qyrkúıeginde Oral qalasynda taǵy da ákimshilik quqyq buzýshylyq jasaǵan.
Sot otyrysynda azamat S. aıyppul túrindegi shekteýdi suraǵan, sondaı-aq ony ýaqytynda oryndaýǵa ýáde bergen.
Qazaqstan Respýblıkasy ÁQBtK-niń 612-babynyń 3-bóligine sáıkes kólik quralyn kýáliginen aıyra otyryp basqarý – 50 AEK mólsherinde aıyppul salýǵa nemese on táýlikke ákimshilik qamaqqa alýǵa ákep soǵady. Sot zańnyń barlyǵyna mindetti ekenin, qaıtalap buzatyn bolsa, odan da qatań sharalarǵa ákep soǵýy múmkin ekenin basa aıtyp, 184,6 myń teńge aıyppul salǵan.