Májilis bekitken 2025-2027 jyldarǵa arnalǵan respýblıkalyq búdjet boıynsha keler jyldan bastap eń tómengi zeınetaqy – 62 771 teńge mólsherinde bolady, - dep habarlaıdy aqshamnews.kz.
Aldaǵy úsh jylǵa arnalǵan zańnyń 9-babynda kórsetilgendeı, 2025 jylǵy 1 qańtardan bastap jalaqynyń eń tómen mólsheri – 85 000 teńge, memlekettik bazalyq mólsheri – 32 360 teńge, zeınetaqynyń eń tómen mólsheri – 62 771 teńge, aılyq eseptik kórsetkish – 3 932 teńge, eń tómengi kúnkóris deńgeıi shamasy – 46 228 teńge dep bekitilgen.
"Jasyna baılanysty jáne eńbek sińirgen jyldary úshin zeınetaqy tólemderine jumsalatyn qarajat 2025 jylǵy 1 qańtardan bastap 8,5 paıyzǵa kóterý kózdelgen", - delingen qujatta.
Aıta keterligi, oblystyq jáne respýblıkalyq mańyzy bar qalalar jáne astananyń búdjetinde mektepke deıingi bilim berý uıymdary pedagogteri men medısına qyzmetkerleriniń eńbegine tólenetin aqyny ulǵaıtý qarastyrylyp otyr. Sonymen qatar, qujatta oblys,aýdan, aýyldaǵy densaýlyq saqtaý uıymdary jumyskerleriniń jalaqysyn kóterý týraly da aıtylǵan.