Klýbqa eki ret kelip, eki ret ketti
«Manchester Iýnaıted» klýby men portýgalıalyq shabýylshy Krıshtıaný Ronaldý arasyndaǵy kelisimshart buzyldy, dep habarlaıdy Almaty-akshamy.kz aikyn.kz-ke silteme jasap.
Klýbtyń baspasóz qyzmetiniń málimetinshe, taraptar ózara osyndaı kelisimge kelgen.
«Manchester Iýnaıted» portýgalıalyq oıynshyǵa komandanyń damýyna qosqan úlken úlesi úshin alǵys bildirdi. Klýbqa eki ret kelip, osymen eki ret ketken Krıshtıaný 346 machta 145 gol soqty.
Sonymen qatar bas bapker, nıderlandylyq maman Erık ten Hagqa senim bildirip, aldaǵy ýaqytta da birlesken jumystaryn jalǵastyratynyn jetkizgen.
Budan buryn K.Ronaldý ulybrıtanıalyq jýrnalıs Pırs Morganǵa suhbat berip, Erık ten Hagty qurmettemeıtinin aıtqan bolatyn.
K.Ronaldýdyń ózi «Manchester Iýnaıted» pen onyń jankúıerlerin jaqsy kóretinin, klýbqa tek jaqsylyq tileıtinin jetkizdi.
Ronaldý aǵylshyndyq komandaǵa 2021 jyldyń jazynda oralǵan edi.