Fýtboldan Portýgalıa quramasy men Saýd Arabıasynyń «Al-Nasr» komandasynyń shabýylshysy Krıshtıaný Ronaldý óz mansabynda 1200 oıyn ótkizdi.
Osylaısha ol jańa rekordyna qol jetkizdi, dep habarlaıdy Almaty-akshamy.kz.
Ol atalǵan mejeden ótken besinshi fýtbolshy bolyp otyr. Buǵan deıin ol mejeni aǵylshyn Pıter Shılton (1375) men Pol Bestok (1286), brazılıalyq Rojerıo Senı (1237) men Fabıo Lopes (1212) baǵyndyrǵan edi.
Bıyl 5 aqpanda 39 jasqa tolatyn fýtbolshy óz mansabynda Portýgalıanyń «Sportıng Lıssabon», Anglıanyń «Manchester Iýnaıted», Ispanıanyń «Real Madrıd», Italıanyń «Iýventýs» klýbtarynda oıyn kórsetti.
2022 jyldyń 30 jeltoqsanynan Saýd Arabıasynyń «Al-Nasr» klýbymen 2,5 jylǵa kelisim-shartqa qol qoıdy. 2003 jyldan ulttyq qurama sapynda oıyn kórsetip keledi.
Eske salsaq, endi Argentına quramasynda onynshy nómirli jeıde Messıden keıin eshkimge berilmeıtin boldy.