Jetisý Alataý taýynyń soltústik jotasyna qaraı 109 kóshkin qaýpi bar ýchaske ornalasqan
Almaty oblysynyń taýlarynda aldaǵy bes kún boıy kóshkin júrý qaýpi saqtalady, dep habarlaıdy Almaty-akshamy.kz Tótenshe jaǵdaılar departamentiniń baspasóz qyzmetine silteme jasap.
«Almaty oblysyndaǵy taýlarda 24 men 28 naýryz aralyǵynda kóshkin júrý qaýpi saqtalady», - delingen habarlamada.
Qutqarýshylar azamattar, týrıser men demalýshylardy qar kóshkini oryn alýy múmkin qar betkeıine shyqpaýǵa, sondaı-aq taýly aımaqta barlyq qaýipsizdik sharalaryn saqtaýǵa shaqyrdy.
Almaty oblysynyń aýmaǵynda Eńbekshiqazaq, Talǵar, Qarasaı, Sarqand, Eskeldi aýdandary men Tekeli qalasynda, sonymen qatar İle Alataýynyń jotasynyń oń betkeıi men Jetisý Alataý taýynyń soltústik jotasyna qaraı 109 kóshkin qaýpi bar ýchaske ornalasqan.
TJD málimetinshe, negizinen qar kóshkininiń oryn alýy temperatýranyń joǵarylaýy men kóp mólsherde jańbyr men qardyń jaýýy saldarynan oryn alady.