Túrkıanyń Iznık qalasynda ótip jatqan Dúnıejúzilik kóshpendiler oıynynda qazaq kúresinen Marat Nyǵmatýllaev chempıon atandy, dep habarlaıdy Almaty-akshamy.kz Inform.kz-ke silteme jasap.
Dúbirli dodada 60 keli salmaqta synǵa túsken qazaqstandyq balýan fınalda mońǵol balýanyn jeńip ketti.
Ol nebári eki mınýtta qarsylasynan «taza jeńis» ádisimen basym tústi.
Aıta ketsek, qazaq kúresinen alty salmaqta júldeler sarapqa salynady. Endi erlerden Maqsat Isaǵabylov (80 keliden joǵary), Elaman Qoıshybaev (80 keli) bozkilemge shyǵady.
Al áıelderde Raýza Nurmahametova (55 keli), Zarına Sarıpova (65 keli) jáne Móldir Azamat (65 keliden joǵary) el namysyn qorǵaıdy.
Qazaq kúresi básekesine álemniń 20-ǵa jýyq elinen 60-tan astam balýan kelgen. Onyń ishinde 19-y áıelder arasynda baq synaıdy.
Sondaı-aq, búgin qazaqstandyq sportshylar kókpar men kókbóriden saıysqa túsedi.
Kóshpendiler oıyndaryna álemniń 102 elinen 3 myńnan astam sportshy keldi. Qazaqstannyń atynan 50 sportshy kókpar, kókbórú, qazaq kúresi, dástúrli sadaq atý, jamby atýdan synǵa túsýde.
Eske salsaq, budan buryn atalǵan dodada Qanat Qasymhan dástúrli sadaq atýdan kúmis aldy.