Jeksenbi kúni brazılıalyqtar el prezıdentin, 81 senatordyń 27-sin, Depýtattar palatasynyń búkil 513 múshesin jáne 27 gýbernator men shtattyń zań shyǵarýshy organynyń basshylaryn saılaıdy, dep habarlaıdy Almaty-akshamy.kz Inform.kz-ke silteme jasap.
Prezıdent jáne gýbernator saılaýynda bir de bir úmitker daýystyń jartysynan kóbin jınaı almasa, ekinshi kezeń 30 qazanda ótedi.
Prezıdent kreslosyna eki saıası tulǵa - qazirgi prezıdent Jaır Bolsonarý men eldi 2003-2010 jyldary basqarǵan burynǵy prezıdent Lýıs Inasıý Lýla da Sılva talasady.
Saılaýdyń aldynda óte agressıvti saılaýaldy úgit naýqany boldy.
Jeńimpaz óte aýyr ekonomıkalyq jaǵdaıda qalǵan eldi basqaratyn bolady.
Pandemıa kezindegi ekonomıkany yntalandyrý shyǵyndary jáne Reseıdiń Ýkraınaǵa basyp kirýinen keıingi ekonomıkalyq quldyraý saldary ınflásıa men tutyný baǵasynyń ósýine ákeldi.
Eń qatty zardap shekkender - sońǵy aılardaǵy ekonomıkalyq ósimge qaramastan, kúnin áreń kórip júrgen tabysy tómen brazılıalyqtar.
Alaıda kóptegen sholýshylardyń pikirinshe, prezıdent saılaýy, eń aldymen, Brazılıa demokratıasyna qatysty referendýmnyń bir túri bolmaq.