Indonezıada fýtbol machynda bolǵan qaqtyǵys saldarynan kem degende 174 adam qaza tapty. Taǵy 11 adam aýyr jaraqat aldy. Stadıonda zardap shekkenderdiń qalǵan bóligi aýrýhanada jatyr, dep habarlaıdy Almaty-akshamy.kz Inform.kz-ke silteme jasap.
Qurban bolǵandar sany artýy múmkin. Qaza tapqandar týraly málimetterdi jınaıtyn Shyǵys Iava tabıǵı apattar saldaryn joıý agenttigi sońǵy eki saǵatta qurban bolǵandar sanynyń artqanyn habarlap, saǵat saıyn kórsetkishti jańartyp otyr.
Buǵan deıin Indonezıa stadıonyndaǵy tártipsizdik kezinde 127 adam mert boldy.
Qaıǵyly jaǵdaı Malang qalasyndaǵy stadıonda jergilikti «Arema» klýby men Shyǵys Iava provınsıasynyń ákimshilik ortalyǵy Sýrabaıdaǵy «Persebaıa» komandasy arasyndaǵy oıyn kezinde boldy.
Mach 3-2 esebimen qonaqtardyń jeńisimen aıaqtaldy. Sońǵy ysqyryqtan keıin «Aremanyń» myńdaǵan jankúıeri alańǵa júgirip shyqqan, sodan qaqtyǵystar bastalǵan.
Polısıa kózden jas aǵyzatyn gaz qoldanǵan. Dárigerlerdiń aıtýynsha, ólim jaǵdaılarynyń kóbine tunshyǵý sebep bolǵan.
Stadıonnyń syrtynda da tártipsizdik jalǵasyp, birneshe polısıa kóligin órtep jibergen. Eki polısıa qyzmetkeri de qaza tapty.
Bılik tergeýdi bastady. Indonezıa fýtbol federasıasy «Aremaǵa» maýsymnyń sońyna deıin mach ótkizýge tyıym saldy jáne aldaǵy barlyq oıyndy bir aptaǵa keıinge shegerdi.
Foto: dw.com