Qala kóshelerinen jyrtqysh ańdy baıqaǵandar bar
Shyǵys Qazaqstan oblysy Rıdder qalasynyń ár bóliginde aıýlar kóshe kezip júrgen, dep habarlaıdy Almaty-akshamy.kz QazAqparatqa silteme jasap.
SHQO polısıa departamenti baspasóz qyzmetiniń málimetinshe, polısıaǵa habarlasqan turǵyndar jyrtqysh ańnyń kóshe kezip júrgendigin aıtty.
«Belgili bolǵandaı, birneshe aıý qyrkúıek aıynyń basynda qala aýmaǵyna kirip ketken. Turǵyndar aıýlardy Polevoı kóshesindegi №202 jáne №206 úılerdiń mańynda jáne Proletarskaıa kóshesinde baıqaǵan. Atalǵan fakt boıynsha tártip saqshylary túz taǵylarynyń qaıda ekenin anyqtaý úshin tıisti sharalardy júrgizgen. Qazirgi ýaqytta shahar kóshelerinde aıýlar joq», - delingen habarlamada.
Vedomstvo ókilderiniń dereginshe, jyrtqysh ańdar eshkimge zardabyn tıgizbegen.