El shahmatshylary favorıtterden basym tústi
Shahmattan Qazaqstan quramasy álemdik reıtıńte úzdik 8 eldiń qataryna kirdi, dep habarlaıdy Almaty-akshamy.kz.
Sportshylar «Onlaın olımpıada – 2021» týrnırinde joǵary nátıje kórsetip, shırek fınalǵa deıin jetken bolatyn. Alaıda AQSH quramasynan jeńilis taýyp, jarys jolyn aıaqtady.
El shahmatshylary toptyq dıvızıonda týrnır favorıti sanalǵan Armenıa, Qytaı, Rýmynıa sportshylarynan basym túsip, úzdikter qatarynan kórine bildi.
«Men bul týrnırge osymen 2 jyl qatarynan qatystym. Mundaı formatta oınaý ulttyq qurama sportshylary úshin yńǵaıly. Osy joly shahmatshylarymyz tarıhta bolmaǵan jetistikke qol jetkizip, úzdik 8 eldiń qataryna kirgenimizge qýanyshtymyz»,– dedi shahmattan Qazaqstan ulttyq quramasynyń múshesi Rýstam Hýsnýtdınov.