Elordalyq turǵyn kórshisiniń altyn buıymdaryn urlap ketken, – dep habarlaıdy aqshamnews.kz.
Astana qalasy PD Almaty aýdany PB krımınaldyq polısıa bóliminiń qyzmetkerleri turǵynnan túsken aryz negizinde urlyq jasalǵan istiń betin ashty.
Oqıǵa bylaı órbigen: jaqynda ǵana kóship kelgen áıel kórshisimen tanysý maqsatynda onyń úıine barady. Áńgimelesý barysynda kúdikti kitap sóresiniń janynda turǵan altyn áshekeı buıymdaryn baıqap qalady. Sol sátte jábirlenýshi esik qońyraýyn estip, kireberiske qaraı shyǵyp ketkende, áıel aram oıyn júzege asyryp, altyndardy jymqyryp ketedi. Tártip saqshylary istiń barlyq mán-jaıyn anyqtap, 30 jastaǵy kúdiktiniń urlanǵan áshekeılerdi lombardqa ótkizgenin anyqtady. Polıseıler jábirlenýshiniń quny shamamen bir jarym mıllıon teńge bolatyn eki saqınasy, syrǵasy men alqasyn taýyp, ıesine qaıtaryp berdi
Jábirlenýshi polısıa qyzmetkerleriniń jedel áreketine rızashylyǵyn bildirip, alǵysyn aıtty.