Tesla kompanıasy shınadaǵy qysym monıtorıń júıesinde aqaý týyndaǵany sebepti shamamen 700 myń elektromobılin qaıta shaqyratynyn málim etti, dep habarlaıdy aqshamnews.kz.
Bul shara 2024 jylǵy Cybertruck, 2017-2025 jyldary shyǵarylǵan Model S jáne 2020-2025 jyldary shyǵarylǵan Model Y modelderine qatysty.
Oxu.Az habarlaýynsha, AQSH-tyń Ulttyq tas joldardaǵy qaýipsizdik basqarmasy (NHTSA) jasaǵan málimdemege silteme jasap, júıeniń atalǵan modelderde shınalardaǵy tómen qysym týraly júrgizýshini eskertpeýi múmkin ekenin aıtty. Bul jaǵdaı jetkiliksiz aýa qysymymen júretin kólik quraldarynyń apattyq jaǵdaıǵa ushyraý qaýpin arttyrady.
Tesla kompanıasy máseleni sheshý úshin tegin baǵdarlamalyq jasaqtama usynatynyn málimdedi. Bul bıylǵy jyldaǵy Tesla elektromobılderiniń qaıta shaqyrylýynyń birinshi jaǵdaıy emes. Elektrli pıkaptar Cybertruck úshin, olar satylymǵa ótken jyldyń ózinde shyqqanyna qaramastan, bul jetinshi ret.
Buǵan deıin maýsym aıynda kompanıa 12 myńnan astam pıkapty, qarasha aıynda shamamen 2400 avtokólikti qaıta shaqyrǵan. Shilde aıynda Tesla kólik qaqpaǵyn bekitetin qurylǵymen baılanysty máselege baılanysty 1,8 mıllıonnan astam ártúrli modeldegi kólikterdi qaıta shaqyrǵan bolatyn. Al aqpan aıynda kompanıa AQSH-ta shamamen 2,2 mıllıon elektromobıldi shaqyryp, olardaǵy aspaptar panelindegi ındıkatorlardyń tym kishkentaı bolýyna baılanysty shaǵymdar alynǵanyn habarlady.