Kórshiler shýlap, olardyń jóndeý jumysy bitpeı jatsa, ne isteýge bolady? Zańger Danıar Baıǵabatov Tengrinews.kz-ke jaýap berdi, - dep habarlaıdy aqshamnews.kz tilshisi.
— Úı astyndaǵy uıqy bermeıtin bar nemese kafeni qalaı jabýǵa bolady?
— Mekeme tarapynan sanıtarlyq, órtke qarsy nemese qoǵamdyq tártipke qatysty buzýshylyqtar bolǵan jaǵdaıda ǵana ony jabýǵa bolady. Aldymen naqty jaǵdaılardy tirkeý qajet. Tekserý kezinde ýákiletti organdar erejelerdiń óreskel buzylǵanyn anyqtasa, obektiniń qyzmetin toqtatý nemese jabý týraly nusqama bere alady.
— Aýlaǵa shlagbaýmdy zańdy túrde qalaı ornatýǵa bolady?
— Shlagbaýmdy ornatýǵa bolady, biraq birqatar shart saqtalýy kerek. Birinshiden, úı mańyndaǵy aýmaq kondomınıým retinde tirkelýge tıis. Eger ol ýákiletti organda tirkelmegen bolsa, turǵyndar ortaq múlikke qatysty sheshim qabyldaı almaıdy. Tirkeýden keıin jáne basqarý túri — MIB (OSI) nemese basqarýshy kompanıa qurylǵan soń turǵyndar daýys berý arqyly sheshim qabyldaı alady. Negizgi shart — shlagbaým jedel qyzmetterdiń ótýine kedergi keltirmeýi kerek, tehnıkalyq turǵyda jaramdy bolýy jáne tek úı mańyndaǵy aýmaqta ornatylýǵa tıis.
— Kórshiniń jóndeý jumysy betpeı jatsa, ne isteýge bolady?
— Zań boıynsha jóndeý bir kúni aıaqtalýǵa tıis. Biraq jóndeý kezinde qoǵamdyq tártip júıeli túrde buzylsa, ýchaskelik polıseıge júginý nemese 102 nómiri arqyly polısıa shaqyrý qajet. Buzýshylyq rastalǵan jaǵdaıda jaýapkershilik qarastyrylady. Mańyzdysy: kúndiz shý shyǵaratyn jumys isteýge tyıym salynbaǵan.
Eger jóndeý kezinde tirek qabyrǵany ruqsatsyz buzý sıaqty qurylymdyq ózgerister júrgizilse, bul — zańbuzýshylyq. Mundaıda sáýlet jáne qala qurylysy basqarmasyna shaǵymdaný qajet.
— Aýlada mıkroavtobýstyń turǵanyna kóp boldy. Qoıma retinde paıdalanylady. Ony alyp tastaýǵa nemese evakýasıalaýǵa bola ma?
— Iá. Polısıaǵa ótinish jazý qajet, kóliktiń ıesiz jáne júrip-turýǵa kedergi keltiretinin kórsetý kerek. Polısıa qyzmetkerleri ıesin anyqtaýǵa tyrysady. Iesi tabylmasa, kólik arnaıy turaqqa evakýasıalanýy múmkin.
— Kórshim úı salyp jatyr, biraq jer telimi shekarasyna qoıylatyn araqashyqty saqtamaıdy. Qala qurylysyn baqylaý komıteti jaýap bermeıdi. Ne isteý kerek?
— Aldymen komıtetke resmı shaǵym joldaý kerek. Eger jaýap bolmasa nemese áreket etilmese, joǵary turǵan organdarǵa shaǵymdaný nemese sotqa júginip, áreketsizdikti zańsyz dep tanýdy jáne shara qoldanýdy talap etý kerek.