Ajar Ǵınıat qaýipti aımaqqa ótken kezde el boıynsha qandaı sharalar qabyldanatynyn aıtty.
Densaýlyq saqtaý mınıstri Ajar Ǵınıat Ortalyq komýnıkasıalar qyzmeti alańynda ótken brıfıńte KVI taralýy boıynsha óńirlerdiń qaýipti aımaqtarǵa kóshýi kezindegi sharalar jobasy jaıly aıtty, dep habarlaıdy Almaty-akshamy.kz
Onyń aıtýynsha, qujat vedomstvoaralyq komısıanyń kelesi otyrysynda usynylady.
«Sary aımaqqa ótken kezde el boıynsha qandaı sharalar qabyldanatyn bolady? Naýqastarmen baılanysta bolǵandarmen jumys, shekteý, naýqastanǵan, vaksınasıaǵa qarsy kórsetilimderi bar qyzmetkerlerdi qashyqtan jumys isteýge aýystyrý, sondaı-aq qoǵamdyq oryndarda jáne kólikte mindetti túrde maska taǵý sıaqty sharalar qabyldanady. Qyzyl aımaqqa ótken kezde, óńirlerde sary aımaqta qabyldanǵan sharalarǵa qosymsha stasıonar men MSAK júktemesine baılanysty halyqtyń qozǵalysyn jáne kásipkerlik sýbektileriniń qyzmetin eki kezeńde shekteý boıynsha sharalar qolǵa alynady», - dedi mınıstr.