Ákimderge kezek kúttirmeıtin máselelerdi sheshýdiń jańa tásilderin ázirleý kerek.
Qazaqstan Respýblıkasy Prezıdentiniń janyndaǵy QazSǴZI saıası zertteýler bóliminiń meńgerýshisi Ermek Toqtarov Qazaqstan Úkimeti, eń aldymen, bıznestiń ekonomıkalyq belsendiligin arttyryp, azamattardyń ál-aýqatyn arttyrýdyń tıimdi joldaryn ázirleýi kerektigin aıtty, dep habarlaıdy Almaty-akshamy.kz Zakon.kz saıtyna cilteme jasap.
Memleket basshysy Úkimettiń keńeıtilgen otyrysynda mazmundy sóz sóılep, is júzinde Mınıstrler kabınetine syndarly syn aıtty. Álbette, el basshylyǵy respýblıkalyq deńgeıde de, jergilikti deńgeıde de bar problemalardyń barlyǵynan habardar, dep sanaıdy sarapshy.
«Bul jaǵdaıdyń sebebi bar, ony Prezıdent atap kórsetti. Tıimdiligi tómen eskirgen ádister eski máselelerdi sheshe almaıdy. Jalpy Úkimetke, atap aıtqanda, ákimderge kezek kúttirmeıtin máselelerdi sheshýdiń jańa tásilderin ázirleý mindeti júkteldi», - dep atap ótti Ermek Toqtarov.
Sarapshynyń aıtýynsha, «bul úshin barlyq qajetti materıaldyq, uıymdastyrýshylyq jáne qarjylyq resýrstar bar. Másele olardyń utymdy jáne tıimdi oryndalýynda ǵana. Bul - Úkimet jumysynyń aralyq nátıjelerine qoıylatyn basty talap.