AQSH-ta kovıdtiń «Eris» dep atalatyn túri tez tarap jatyr.
Sońǵy aptada bul vırýsty juqtyryp aýrýhanaǵa túskender sany kúrt artqan, dep habarlaıdy Almaty-akshamy.kz 24.kz-ke silteme jasap.
Dárilerler kovıd kúzge qaraı tipti órshýi múmkin dep dabyl qaǵyp otyr. Kovıdttiń «Eris» dep atalatyn túri qazir AQSH-taǵy negizgi shtammdardyń birine aınaldy. Bul – omıkronnyń sýbvarıanty, óte juqpaly sanalady. Tamyzda AQSH-ta tirkelgen naýqastardyń bestin birinen ınfeksıanyń osy túri anyqtaldy.
«Sońǵy birneshe aptada indettiń órshigenin baıqadyq. Ózin jaısyz sezinip kelgen naýqastardyń kóbinde KOVID bar ekeni anyqtaldy. Buǵan deıin bizge keletinderdiń orta eseppen 2-4% ınfeksıa shyqsa, ótken aptada bul kórsetkish shamamen 12%-ǵa jetti», - deıdi Long-aılend aýrýhanasynyń jedel járdem bóliminiń jetekshisi Frederık Devıs.
Vırýs juqtyryp, aýrýhanaǵa kelýshiler kóbeıip barady. Sońǵy eki aptada ortasha táýliktik statısıka 20 paıyzǵa ósken. Jalpy eldegi epıd-ahýal kún sýyǵan soń tipti ýshyýy múmkin.
«Biz jaǵdaıdy baqylap otyrmyz. Kúzde indettiń taralýy beleń alady. Sebebi, aýa raıy sýtady. Balalar da mektepke orala bastady. Sondyqtan epıd-ahýal alańdatyp otyr», - deıdi Nú-ıork qalalyq ýnıversıteti epıdemıologıa kafedrasynyń profesory Denıs Nash.
AQSH-tyń aýrýlardy baqylaý ortalyǵy qazan aıynda ǵana indettiń jańa túrine tótep beretin ekpeni shyǵarýǵa ruqsat berýi múmkin. Al dárigerler qazirgi vaksınalar omıkronnyń jańa sýbvarıantyna tolyq qarsy tura almaıdy dep alańdaıdy.