Dáriger Almaty turǵyndaryna "delta" nusqasynyń óte aýyr ótetinin eske saldy
Koronavırýstyń "delta" nusqasynyń sımptomdary óte aýyr. Bul týraly Almaty qalasynyń №8 emhanasynyń bas dárigeri Farıda Aǵybaeva málimdedi, dep habarlaıdy almaty-akshamy.kz
Sımptomdar COVID-19 bastapqy nusqasyna tán belgilerden erekshelenedi.
«Naýqastardyń ystyǵy kóteriledi, tamaq aýrýy paıda bolady jáne jıi basy aýyrady. Qarapaıym sýyq nemese tumaýmen shatastyrý ońaı. İndet juqtyrǵandarda koronavırýsqa tán ıis sezbeý bolmaıdy. Biraq erekshe belgiler bar: júrek aıný, qusý, dıareıa jáne asqazannyń aýyrýy, qatty álsizdik. Aýrýdyń aǵymy koronavırýstyq ınfeksıanyń "delta" nusqasynda joǵary jyldamdyqpen sıpattalady jáne jıi aýyr bolady – naýqastarda ortasha aýyr, aýyr, sımptomsyz jáne jeńil formalar jıi kezdesedi», - dedi Farıda Aǵybaeva.
Sondaı-aq, estý qabiletiniń buzylýy, asqazan-ishek problemalary jáne qannyń uıýy qalady.
Eger naýqas vaksınalanbaǵan bolsa, onda "delta" nusqasyn juqtyrǵan kezde jaǵdaıy óte aýyr bolady. №8 emhananyń bas dárigeri tolyq ımmýndalǵan adamnyń derti sımptomsyz nemese áldeqaıda jeńil ótetánin aıtty. Sondyqtan Farıda Aǵybaeva qoǵamdyq densaýlyq basqarmasynyń atynan almatylyqtardy vaksınalanýǵa taǵy da shaqyrdy.