Qazaqstan Prezıdenti Qasym-Jomart Toqaevtyń akter, rejıser Dosqan Joljaqsynovty «Otan» ordenimen marapattaý týraly Jarlyǵy shyqqanyn keshe habarlaǵanbyz.
Almatyda QR Memlekettik hatshysy Qyrymbek Kósherbaev Qazaqstannyń halyq ártisi, Memlekettik syılyqtyń eki dúrkin ıegeri Dosqan Joljaqsynovqa «Otan» ordenin saltanatty túrde tabys etti, dep habarlaıdy Almaty-akshamy.kz
Bul mártebeli marapat tanymal akterge ulttyq mádenıetti, kınematografıany jáne teatr ónerin damytýdaǵy aıryqsha úlesi úshin Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen berildi.
Sharaǵa QR Memlekettik hatshysy Qyrymbek Kósherbaev, Mádenıet jáne sport mınıstri Aqtoty Raıymqulova, kompozıtor Tólegen Muhamedjanov, Almaty qalasy ákiminiń orynbasary Erjan Babaqumarov, mádenıet pen óner qaıratkerleri qatysty.