Baýyrjan Momyshuly – tarıhymyzda oıyp turyp oryn alatyn tulǵa.
M.Áýezov atyndaǵy ádebıet jáne óner ınstıtýtynyń dırektory Matyjanov Kenjehan komısıa múshesi retinde «Dostyq» metro stansasyna Baýyrjan Momyshulynyń esimin berýdi qoldaıdy, dep habarlaıdy Almaty-akshamy.kz.
Onyń aıtýynsha, metro stansasynyń ataýyn ózgertýdiń eki sebebi negizge alyndy. Onyń birinshisi, aldyńǵy ataýlarynda keremet mán bolǵan joq.
«Mysaly, «Barys» degen ataýda asa bir mańyzdy uǵymdy aıshyqtaı qoımaıdy. «Dostyq» degen ataý da jaqsy. Degenmen, Baýyrjan Momyshuly kóshesiniń boıynda ornalasqan metro stansasyna nege batyrymyzdyń esimin bermeske?! Sondyqtan Uly Otan soǵysynyń maıdangeri, el batyrynyń esimin osy stansanyń ataýy retinde bekitý biraýyzdan qoldaý tabady dep oılaımyn», - deıdi K.Matyjanov.
Instıtýt dırektory bul oraıy kelip turǵan óte durys usynys. Ári bul usynystyń tarıhı sanany qalpyna keltirýge yqpaly óte zor dep esepteıdi.
«Keıin osy metro stansasymen qatynaǵan, ataýyn kórgen adamdarda tarıhı sananyń qalyptasyp, ulttyq namystyń jigerlenip, patrıottyq rýhtyń, ulttyq maqtanyshtyń oıanatynyna senemiz. Bolashaqta osy Baýyrjan Momyshulynyń, Qarasaı batyrdyń jáne taǵy basqa batyr uldarymyzdyń, metro stansalary bolsyn, ózge de nysandarǵa bolsyn esimderin beretin bolsaq, keleshek urpaq júrgen saıyn, kórgen saıyn ónege alady degen oıdamyz», - dedi ol.