Jylda Dúnıejúzilik zıatkerlik menshik uıymyna (DZMU) múshe memleketter 26 sáýir - Halyqaralyq zıatkerlik menshik kúnin atap ótedi. Osylaısha onyń álemniń barlyq elderiniń ekonomıkalyq, mádenı jáne áleýmettik damýyndaǵy rólin kórsetedi.
Ábilhan Qasteev atyndaǵy QR Memlekettik óner mýzeıinde Halyqaralyq zıatkerlik menshik kúnine arnalǵan «Ortaq bolashaqtyń ıgiligi úshin ınovasıalar men shyǵarmashylyq» atty kórme ashyldy. İs-shara mýzeıdiń qoldaýymen Ádilet mınıstrligi, Qazaqstan Sýretshiler odaǵymen birlesip uıymdastyrylǵan.
Bul halyqaralyq kún búkil jahandyq qaýymdastyqtyń kúsh-jigerin biriktirýge jáne zıatkerlik menshiktiń (IP) álem óneriniń órkendeýine qalaı úles qosa alatyny týraly qoǵamnyń oı eleginen ótkizýdiń biregeı múmkindigi. Ol adamdardyń ál-aýqatynyń ósýin yntalandyratyn tehnologıalyq progreske jaǵdaı jasaıdy. Atalmysh kórme, sonymen qatar, kreatıvti ındýstrıalardy, atap aıtqanda patentterdi, saýda belgilerin jáne avtorlyq quqyqtardy ilgeriletýdegi ıntellektýaldyq menshik quqyqtarynyń rólin kórsetedi.
«Kórmege shyǵarmashylyq arenada belsendi jumys isteıtin qazaqstandyq 37 tanymal sýretshiniń 40-tan astam jumysy qoıylady. Árbir avtordyń biregeı jumystary olardyń kúsh-jigerin moıyndaý jáne marapattaý, sonymen qatar barsha qoǵamnyń ıgiligi úshin jasampaz ıdýstrıanyń shyǵarmashylyǵynyń nátıjelerin paıdalaný maqsatynda zıatkerlik menshiktiń mańyzdylyǵyn kórsetedi. Zıatkerlik menshik quqyǵy zertteýshilerge, ónertapqyshtarǵa, kásipkerlerge, dızaınerlerge, shyǵarmashylyq kásip ókilderine jáne basqa da kóptegen adamdarǵa ózderiniń zıatkerlik jumystarynyń nátıjelerin quqyqtyq qorǵaýdy qamtamasyz etýge jáne olardan ekonomıkalyq tabys alýǵa múmkindik beredi», – deıdi kórme jetekshisi Aıgúl Haıdarova.
Bul kórme ekspozısıasy kórermendi Qazaqstan Sýretshiler odaǵynyń músheleri, kásibı óner – keskindeme, grafıka jáne músin salasynda jumys isteıtin: keskindemeshi K.Haırýllın, keskindemeshi-sýretshi Ó.Jubanıazov, grafık, akvarel sýretshisi A.Haırýlına, grafık-keskindemeshi O.Esenbaev, zerger músinshi E.Daýbaev, músinshi M.Óskenbaıdyń jáne basqa belgili qazaqstandyq sýretshiler shyǵarmashylyǵymen tanystyrady.