Óńirlerde sý tasqynyna qarsy is-sharalar, azamattardy qulaqtandyrý, sý tasqyny saldaryn joıý jumystary jalǵasýda.
Batys Qazaqstan jáne Atyraý oblystaryna Jaıyq ózeni arqyly Reseı Federasıasy jaǵynan týyndaıtyn sý tasqynynyń ekinshi tolqyny erekshe baqylaýda qalýda.
Ótken táýlikte Batys Qazaqstan oblysynda 81 523 qapshyq jáne 2 770 tonna ınertti materıal tóseldi, bógetterdiń irgesin kóterý jáne nyǵaıtý jumystary jalǵasýda.
Atyraý oblysynda 824 myń qapshyq jáne 2 700 tonna ınertti materıal tóseldi, 4 424 km bóget turǵyzyldy, bógetterdiń irgesin nyǵaıtý jumystary jalǵasýda.
Jaıyq ózeniniń sý deńgeıine monıtorıń jalǵasýda, azamattardy qulaqtandyrý jáne teleradıo arqyly habarlandyrý ár 4 saǵat saıyn júrgiziledi.
Osy saǵatta 22 734 adam óz úılerine oraldy. 8 809 adam, onyń ishinde 3 828 bala evakýasıalaý pýnktterinde.
4 536 turǵyn úı men 2 767 aýla aýmaǵynan sýdyń baǵyty buryldy. 11,2 mln astam tekshe metr erigen qar sýy soryp shyǵaryldy, 4,6 mln qapshyq jáne 1,4 mln astam tonna ınertti materıal tóseldi.
Jedel jeli telefonyna 2 114 qońyraý tústi.
Aqmola, Aqtóbe, Atyraý, Batys Qazaqstan, Soltústik Qazaqstan oblystarynda úıler men aýmaqtardan sý sorý jumystary jalǵasýda.
Avarıalyq-qutqarý jáne sý tasqynyna qarsy jumystarǵa 36 484 adam, 5 083 tehnıka, 888 sý sorý quraly, 381 júzý quraly, 16 áýe kemesi jumyldyryldy.
TJM turǵyndardy sý tasqyny kezeńinde qaýipsizdik sharalaryn saqtaýǵa shaqyrady.