Qazgıdromet sınoptıkteri 21 sáýir, jeksenbige arnalǵan aýa raıy boljamyn jarıalady.
Respýblıkamyzdyń basym bóligi aýqymdy antısıklon áserinde bolǵandyqtan jaýyn-shashyn jaýmaıdy, dep habarlaıdy Almaty-akshamy.kz.
Tek kúndiz Qazaqstannyń ońtústik-batysynda jáne qıyr soltústiginde azdaǵan jańbyr sirkireıdi.
Sondaı-aq respýblıkanyń ońtústik, ońtústik-shyǵysyndaǵy taýly aýdandarda atmosferalyq fronttardyń áserinen jańbyr jaýyp, naızaǵaı jarqyldaıdy.
Qazaqstan boıynsha jel kúsheıedi.
Eldiń ońtústik-batysynda, soltústik-batysynda, ońtústiginde, ońtústik-shyǵysynda shańdy daýyl, ońtústiginde – daýyl, soltústiginde túngi jáne tańerteńgi saǵattarda tuman túsedi.