Usynylǵan zańdar halyq pen bılikti baılanystyrýǵa baǵyttalǵan
Qazaqstanda kelesi jyldyń 1 qańtarynan bastap Konstıtýsıalyq sot jumys isteı bastaıdy, dep habarlaıdy Almaty-akshamy.kz Almaty.tv-ge silteme jasap.
Bıyl qańtardan keıin Memleket basshysy eldiń saıası júıesin túbegeıli ózgertýge kiristi. 50-den astam zańdy retteýdi usynyp, jazda búkilhalyqtyq referendým ótkizdi. Usynylǵan zańdar halyq pen bılikti baılanystyrýǵa baǵyttalyp, ádiletsizdikke tap bolǵan azamattardyń máselesin jedel sheshýge arnalǵan edi. Konstıtýsıalyq sot bolyp ózgeretin qazirgi keńes osyndaı kúrmeýi qıyn máselelerdiń túıinin tarqatatyn bolady. Iaǵnı, endi kez kelgen qazaqstandyqtyń osy Konstıtýsıalyq sotqa júginýine múmkindik týyp otyr. Zań ǵylymdarynyń doktory Ermek Ábdirasylov qańtar oqıǵasy osyndaı zańdardy qabyldaýǵa múmkindik bergenin aıtty.
«Bıylǵy qańtar oqıǵasy qaıtalanbaıdy dep oılaımyn. Oǵan kóp sebep boldy. Qazir aldyn alyp, problemalar sheshilip jatyr. Kóptegen zań qabyldanyp jatyr», – dedi zań ǵylymdarynyń doktory Ermek Ábdirasylov.
Mamannyń aıtýynsha, referendýmda qabyldanǵan ózgerister ádil Qazaqstan qaǵıdasyna týra keledi. Sondyqtan konstıtýsıalyq ózgeristerdi judyryqtaı jumylyp birge iske asyrý qajet. Al Senat depýtaty Serikbaı Turymov qasyretti qańtar demokratıaly qoǵamnyń bar ekenin kórsetti dep otyr.
«Qańtar oqıǵasy biraz máseleniń basyn ashty dep aıtýǵa tolyq negiz bar. Sondyqtan osydan keıingi Memleket basshysynyń ózi de aıtty, osy ekonomıkalyq jaǵdaıǵa ǵana emes, saıası máselelerge de mán berýimiz kerek», – dedi QR Parlamenti Senatynyń depýtaty Serikbaı Turymov
Depýtattyń sózinshe, qazirgi kezde eń birinshi beıbitshilikti oılaý kerek. Reformalardy qoldap, qabyldanyp jatqan zańdardyń jumys isteýine birge atsalysqan abzal.