Saltanatty is-sharaǵa qalalyq ákimdik ókilderi men elimizge belgili óner qaıratkerleri qatysty
Almatyda poezıa áleminde óshpes orny bar, belgili aqyn, jazýshy, Qazaqstannyń Eńbek sińirgen qaıratkeri Rafael Nıazbekov turǵan úıge memorıaldy taqta qoıyldy, dep habarlaıdy Almaty-akshamy.kz Almaty.tv-ge silteme jasap.
Saltanatty is-sharaǵa qalalyq ákimdik ókilderi men elimizge belgili óner qaıratkerleri qatysty. Qonaqtar «óleńderi arqyly kóptiń júreginen oryn ala bilgen aqynnyń jarqyn beınesi jadymyzda máńgi saqtalady» de eske aldy.
«Baýyrlas eldiń batyry atanǵan aqyn, óz eliniń batyry bolmasqa haqysy joq. Alashtyń da azýly aqyny da, batyry da bolyp ótti ómirden. Rafael aǵa – rýhy bólek, aqyndyǵy erek talant ıesi edi», – dedi aqyn, Qazaqstan Jazýshylar odaǵy tóraǵasynyń orynbasary Baqyt Bedelhan.