Ánshige cheh stılinde qoldan jasalǵan syılyqtar tapsyryldy
Keshe Pragadaǵy «Tıpsport» arenasynyń janyna jınalǵan adam qarasy kóp boldy. Álemniń 15-ten astam elinen kelgen Dears-ti Cheh Respýblıkasynda ártistiń alǵashqy jeke konsertin ótkizýge kelgen Dımash pen onyń komandasy qarsy aldy, dep habarlaıdy Almaty-akshamy.kz
Dimashnews saıtynyń málimetinshe, Dımash Qudaıbergenniń jeke konserti ótetin arenanyń «Tıpsport» aýmaǵyn keshe jyly jáne merekelik atmosfera jaılaǵan. Chehıa, Fınlándıa, Brazılıa, Reseı, Rýmynıa, Ýkraına, Germanıa, Bolgarıa, Kanada, Ulybrıtanıa, Ispanıa, Perý, Polsha, Qazaqstan jáne basqa da elderdiń ókilderi Dımashty Cheh Respýblıkasynyń júregi – Pragada úlken qýanyshpen qarsy aldy. Dástúr boıynsha, Dears súıikti ánshiniń ánderin birlesip oryndady. Dımashtyń chehıalyq jankúıerleri qymbatty qonaqtardyń kezdesýin
Ulttyq cheh kostúmindegi Dear qolynan dástúrli nan-tuzdy ánshiniń ózi jáne onyń ata-anasy aldy. Sondaı-aq, ánshige jergilikti sheberlerdiń ulttyq cheh stılinde qoldan jasalǵan ádemi syılyqtary tapsyryldy. Kútip alýshylar óte kóp bolǵandyqtan Dımashqa avtomobıldiń shatyryna shyǵyp otyryp qoltańba taratýǵa týra keldi, jankúıerlerimen sóılesip, olarǵa alǵysyn aıtty.