«Shenchjoý-13» ǵarysh apparaty 2021 jyldyń qazan aıynda ushyrylǵan
Úsh ǵaryshker mingen «Shenchjoý-13» ǵarysh kemesiniń kapsýlasy senbi kúni tańerteń Qytaıdyń soltústigine aman-esen qondy, dep habarlaıdy Almaty-akshamy.kz QazAqparat-qa silteme jasap.
Bul týraly Sınhýa agenttigi jarıalady.
«Úsh qytaılyq astronavt ekıpajy bar «Shenchjoý-13» ǵarysh kemesiniń kapsýlasy Qytaıdyń soltústigindegi İshki Mońǵolıa avtonomıa aýdanyna aman-esen qondy. Qoný qalypty boldy, barlyǵy ózin jaqsy sezinedi» delingen habarlamada.
Bul ǵarysh saparynda úsh taıkonavt (ǵaryshkerlerdi Qytaıda osylaı ataıdy) Jaı Chjıgan, Van Iapın jáne E Gýanfý alty aı boıy bir mısıanyń bóligi retinde ǵaryshta ótkizgen ýaqyt boıynsha rekord ornatty. Esterińizge sala keteıik, «Shenchjoý-13» ǵarysh apparaty 2021 jyldyń qazan aıynda ushyrylǵan edi.