Jyl saıyn 15 mamyrda búkil álem jurtshylyǵy BUU bekitken halyqaralyq otbasylar kúnin atap ótedi. Osyǵan oraı, «Azamattarǵa arnalǵan úkimet» arnaıy statısıka daıyndady.
Memlekettik korporasıa 10 aıda 103 myńnan astam neke tirkegen, al 2024 jyldyń basynan beri 40 myń jańa otbasy shańyraq kótergen, dep habarlaıdy almaty-akshamy.kz.
Neke sany boıynsha kósh bastap turǵan Almaty, Astana jáne Shymkent qalalary.
Sondaı-aq, 2023 jyldyń shildesinen bastap elimizde 328 myń náreste dúnıege kelgen.
Qazirgi tańda «Azamattarǵa arnalǵan úkimet» Astanada, Qaraǵandyda, Almatyda jáne Qostanaıda nekeni saltanatty túrde tirkeıdi jáne bul qyzmetti basqa qalalarda engizýdi josparlap otyr.
Sonymen qatar, bala týýyn saltanatty tirkeýdi engizý josparlanýda. Qazirdiń ózinde týý týraly kýálikterdi jetkizý jáne olardy ata-analaryna tikeleı perzenthanalarda tabystaý boıynsha Astananyń medısınalyq mekemelerimen kelissózder júrgizilip jatyr. Elordadaǵy pılottyq joba suranysqa ıe bolǵan jaǵdaıda, joba aýqymy keńeıetin bolady.
Esterińizge sala keteıik, 2023 jylǵy 1 shildede «Azamattarǵa arnalǵan úkimetke» azamattyq hal aktilerin tirkeý fýnksıalary berilgen bolatyn.