Qasym-Jomart Toqaev Gýrbangýly Berdimuhamedovke kóńil aıtý jedelhatyn joldady
Memleket basshysy Túrikmenstan Halk Maslahatynyń tóraǵasy Gýrbangýly Berdimuhamedovke anasy Ogýlabat Berdimuhamedovanyń qaıtys bolýyna baılanysty kóńil aıtý jedelhatyn joldady, dep habarlaıdy Almaty-akshamy.kz Aqordaǵa silteme jasap.
«Anańyz – qadirli Ogýlabat Berdimuhamedovanyń qaıtys bolǵany týraly qaraly habardy tereń kúızelispen qabyldadym. Ogýlabat edjeniń ómir joly óz Otanyna jáne halyqqa degen shynaıy súıispenshiliktiń, sondaı-aq danalyqtyń, rýhanı baılyqtyń jáne úlken meıirimdiliktiń úlgisi sanalady. Orny tolmas qaıǵyńyzǵa ortaqtasa otyryp, Qazaqstan halqynyń jáne jeke ózimniń atymnan Sizge jáne jaqyndaryńyzǵa kóńil aıtamyn», – dep jazylǵan jedelhatta.
Sonymen qatar Memleket basshysy Qasym-Jomart Toqaev Túrikmenstan Prezıdenti Serdar Berdimuhamedovke kóńil aıtty.