Shymkentte júrgizýshisi joq avtobýs 4 adamdy qaǵyp óltirdi
Shymkentte júrgizýshisi joq avtobýs 6 adamdy qaǵyp ketti, dep habarlaıdy Almaty-akshamy.kz Polisia.kz silteme jasap.
8 sáýir keshki saǵat 18:30 shamasynda «Metro» saýda úıiniń janyndaǵy eki kósheniń qıylysynda júrgizýshisi joq avtobýs qarsy baǵytqa shyǵyp ketip, jaıaý júrginshi jolaǵynda kele jatqan 6 adamdy qaqqan.
Saldarynan eki áıel men jasóspirim oqıǵa ornynda jáne kámeletke tolmaǵan qyz jansaqtaý bóliminde kóz jumdy.
Taǵy eki adam aýrýhanada jatyr.
Oqıǵa ornyna jetken Shymkent qalasy polısıa departamentiniń jedel tergeý toby júrgizýshi sońǵy aıaldamadan qarsy baǵytqa burylyp, avtobýsty qol tejegishinde qaldyryp, kólikten shyǵyp ketkenin anyqtady.
Qazir oqıǵa ornynda tergeýshiler men krımınalıser jumys istep jatyr.
QR Qylmystyq kodeksiniń 345-babynyń 4-bóligi boıynsha sotqa deıingi tergeý bastalyp, avtobýstyń jumysqa jaramdylyǵyn tekserý úshin avtotehnıkalyq saraptama taǵaıyndaldy.
Júrgizýshi ýaqytsha ızolátorǵa qamaldy.