Qaraǵandy, Temirtaý, Atyraý, Aqtóbe jáne Astana qalalarynda aýa sapasy nasharlaıdy.
9 sáýir kúni Qazaqstan aýmaǵynyń basym bóliginde qolaıly meteorologıalyq jaǵdaı saqtalady, dep habarlaıdy Almaty-akshamy.kz.
«Qazgıdromet» RMK baspasóz qyzmeti taratqan málimetke sensek, 9 sáýir, jeksenbide elimizdegi qalalardyń basym kópshiliginde meteorologıalyq ahýal birqalypty bolady.
Tek Qaraǵandy, Temirtaý, Atyraý, Aqtóbe jáne Astana qalalarynda aýa sapasy birshama nasharlaıdy.
Qolaısyz meteorologıalyq jaǵdaı - atmosferalyq aýanyń betki qabatynda zıandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.