Búgin «Astana», «Qaırat» jáne «Qyzyl-Jar» ÝEFA Konferensıa lıgasynyń ekinshi irikteý kezeńi aıasyndaǵy qarymta kezdesýlerin ótkizedi.
Nur-Sultan ýaqytymen saǵat 21:00-de «Astana Arenada» jergilikti «Astana» men polshalyq «Rakýv» kezdesedi, dep habarlaıdy Almaty-akshamy.kz Elorda.info saıtyna silteme jasap.
Alǵashqy oıynda 5:0 esebimen jeńiske jetken polshalyq komandaǵa qarsy Qazaqstannyń alty dúrkin chempıony qandaı tosynsyı daıyndap otyrǵany qyzyq.
Al vengrıalyq «Kıshvarda» men almatylyq «Qaırat» arasyndaǵy mach elorda ýaqytymen 22:00-de bastalady. «Qaırat» bir apta buryn óz alańynda 0:1 esebimen jeńilgen.
Petropavldyq «Qyzyl-Jar» Horvatıada jergilikti «Osıekpen» jolyǵady. Bul mach saǵat 0:30-ǵa josparlanǵan. Nur-Sultanda ótken birinshi oıynda Alı Alıev shákirtteri 1:2 esebimen jeńildi.
Atalǵan úsh machty da «Qazsport» telearnasy tikeleı efırde kórsetedi.