Bul ózgeris qyrkúıek aıynan bastap kúshine enedi.
Derbes tóleýshiler MÁMS júıesinde aldyn ala 12 aıǵa tólem jasaý arqyly saqtandyryla alady, dep habarlaıdy Almaty-akshamy.kz Áleýmettik medısınalyq saqtandyrý qoryna silteme jasap.
«2022 jyldyń 4 shildesinde «Mindetti áleýmettik medısınalyq saqtandyrý týraly» Qazaqstan Respýblıkasynyń zańyna ózgerister men tolyqtyrýlar qabyldanǵan bolatyn. Saqtandyrý mártebesin alý úshin tek ótken 12 aı úshin emes, aldaǵy 12 aıǵa da tólem jasaýǵa bolady. MÁMS-ke jarnalar tólemegen adamdar sol ózgerister boıynsha mindetti áleýmettik medısınalyq saqtandyrý júıesindegi medısınalyq kómekti alý úshin eki tásildiń bireýin tańdap, jarnalar tóleı alady», - dep jazylǵan habarlamada.
Bul ózgeris qol qoıylǵan sátten bastap 60 kúnnen keıin, ıaǵnı 2022 jyldyń qyrkúıeginde kúshine enedi.