Kitaptyń tusaýkeserine kompozıtordyń ónerdegi, ómirdegi tileýlesteri quttyqtap keldi.
Búgin Ulttyq kitaphanada Qazaqstannyń eńbek sińirgen qaıratkeri, kompozıtor Qaldybek Qurmanáliniń fotoalbom kitabynyń tusaýkeseri ótip jatyr, dep habarlaıdy Almaty-akshamy.kz tilshisi
Jańa kitaptyń tusaýyn kesý qurmeti Qaldybek Qurmanáliniń aǵasy Kárimbek Qurmanáli, Amalbek Tshanov, Murat Jurynov, Mamaı Ahetov, Zeınep Ahmetova, Aıagúl Mırazovalarǵa usynyldy.
«Qazaqtyń án ónerin óltirmeı jalǵastyryp kele jatqan kompozıtordyń biri dep Qaldybekti aıtýǵa bolady. Bir ǵana Shámshini zertteýdegi eńbeginiń ózi aýyz toltyryp aıtarlyq. Onyń ánderi nege keń tanylady, kópshiliktiń kókeıine nege tez qonady degenge kelsek, bul Qaldybektiń ulttyq qaınardan sýsyndap óskendiginen. Rýhanı muratqa, aǵa býynnyń ónerine degen adaldyq onyń ánderiniń tanymaldyǵynyń birden bir sebebi», dedi qalamger Qalı Sársenbaı.
