Túrkıada jol apatyna ushyraǵan otbasynyń otaǵasy da kóz jumdy.
Bul aqparatty Syrtqy ister mınıstrliginiń ókili rastady, dep habarlaıdy Almaty-akshamy.kz QazAqparatqa silteme jasap.
«Rastaımyz. Uldaryn týystary alyp ketti, ol Qazaqstanda. Osy otbasynyń úsh múshesiniń múrdelerin búgin Qazaqstanǵa jiberedi», - dedi Syrtqy ister mınıstrliginiń resmı ókili Aıbek Smadıarov.
Esterińizge sala ketsek, 4 qyrkúıek kúni Túrkıanyń Alanıa qalasynda safarı-kólik pen jeńil avtomobıldiń soqtyǵysýy saldarynan jýrnalıs, «Zeıin Atyraý» erekshe balalardy ońaltý ortalyǵynyń negizin qalaǵan Araılym Baǵytjan men 2 jasary qyzy oqıǵa ornynda qaıtys boldy.
Al otbasynyń otbaǵasy jansaqtaý bólimine túsken edi. 2014 jyly týǵan uldary da aýrýhanada boldy. Onyń densaýlyǵyna asa qaýip tónbedi.