Atalǵan shara 5 kúnge sozylady.
Kınofestıvaldiń basty mısıasy - jas talantty kınematografısterdi qoldaý.
Festıváldiń resmı ashylý saltanaty "Arman" kınoteatrynda ótti, dep habarlaıdy Almaty-akshamy.kz.
Sharany Baiqonyr-dyń prezıdenti Ánýar Kenjebaev bastap, festıvál komandasynyń búgingi is-sharanyń ótýi úshin jumsaǵan kúsh-jigeriniń mańyzdylyǵyn atap ótip, bıylǵy kınofestıvaldiń jańalyqtary týraly aıtyp berdi. Segizinshi festıváldiń basty jańalyǵy - Baiqonyr aıasynda Almaty Animation Festival atty jańa halyqaralyq festıváldiń paıda bolýy. Onyń dırektory rejıser-anımator Anıta Chernyh ta qonaqtarǵa sálemin joldady. Odan keıin Baiqonyr festıvaliniń baǵdarlamalyq dırektory jáne Kınosynshylar men kınotanýshylar forýmynyń tóraǵasy Erjan Jumabekov sóz sóılep, kópshilikke festıváldiń konkýrstyq baǵdarlamalarynyń qazylar alqasynyń múshelerin tanystyrdy.
Kesh qazaqstandyq kınorejısser Darhan Tólegenovtyń tolyqmetrajdy debúti – "Aǵaıyndylar" kartınasynyń kórsetilimimen aıaqtaldy. Bul fılmdi festıváldiń ashylýyna tańdaý - kezdeısoq emes. Darhandy alǵashqy ret kópshilikke tanytqan jáne birinshi bedeldi syılyǵyn bergen osy «Baıqońyr» festıvali. Bul týraly avtordyń ózi kórsetilim aldynda aıtty.
Al búgin, 7 qyrkúıekte, "Arman" kınoteatrynyń «Qyzyl zalynda» Baiqonyr Halyqaralyq qysqametrajdy kórkem jáne derekti kıno baıqaýynyń, «Kók zalda» Almaty Animation Festival negizgi baıqaýynyń kıno kórsetilimderi bastalady. Olardyń aldynda Kınotanýshylar men kınosynshylardyń II Halyqaralyq forýmy ótedi – bul festıváldiń mańyzdy oqıǵalarynyń biri.
Konkýrstan tys baǵdarlamanyń mańyzdy oqıǵasy 8 qyrkúıekte ótetin Koreı anımasıalyq kıno kúni bolmaq. Ol koreı-qazaq anımasıasynyń úlken arnaıy jobasy aıasynda ótkiziledi. Koreı tarapynan seriktes Pýchhondaǵy Halyqaralyq anımasıa festıvali (BIAF).
Sondaı-aq, bıylǵy jyly ótken Qazaqstan kınosynshylary qaýymdastyǵynyń ulttyq syılyǵynyń jeńimpazdaryn marapattaý rásiminde Baiqonyr prezıdenti Ánýar Kenjebaevqa "Festıvál qozǵalysyna qosqan úlesi úshin" arnaıy syılyǵy berligenin atap ótemiz.
Festıvál dástúrli túrde TMD-ǵa qatysýshy memleketterdiń Memleketaralyq gýmanıtarlyq yntymaqtastyq qorynyń qoldaýymen ótkiziledi.
Festıváldiń aqparattyq seriktesteri: «Habar» agenttigi, «Almaty» telekanaly, «Eldoradıo» jáne «Jýldyz» radıostansıalary, «Egemen Qazaqstan», «Kazahstanskaıa pravda», «Antena Kazahstan», «Vremá» basylymdary, Orda.kz, Baribar.kz, 365info, Global.news.kz, BAQ.kz, QAZ365.kz, PRO Production ınternet-portaldary jáne JAS ÓNER jýrnaly.