Almatyda Halyqaralyq aqparattyq tehnologıalar ýnıversıteti men IýNISEF-tiń birlesip uıymdastyrýymen ótken «Naqty álemdi geımıfıkasıa» semınarynda qazirgi zamanǵy balalardyń bilim alýyna sıfrlandyrýdy engizýdiń jańa joldary aıtyldy, dep habarlaıdy Almaty-akshamy.kz.
- Sıfrlyq revolúsıanyń jáne aqparattyq-tehnıkalyq quraldardy adam qyzmetiniń barlyq salalaryna jappaı engizýdiń áserinen bilim berý salasyndaǵy kózqarastar men jas urpaqty oqytý prosesin uıymdastyrýǵa suranys aıtarlyqtaı ózgerdi. Búgingi tańda mektep muǵalimderi, kolejder men joǵary oqý oryndarynyń oqytýshylary óz qyzmetin sıfrlyq dáýirde dúnıege kelgen urpaqqa qaıta qurýǵa májbúr, – dep atap ótti HATÝ rektory Asqar Hıkmetov.
Pandemıa kezeńinde qashyqtan oqytý formatyna kóshý birneshe problemalardy ashty, olardyń eń bastysy muǵalimderdiń sandyq formatqa aýysýǵa daıyn emestigi boldy. Bul máseleni sheshý úshin kezdesýdi uıymdastyrýshylar qazirgi balalardyń bilim alýynda geımıfıkasıany usynady.
Oıyn balanyń psıhıkalyq damýyn anyqtaıtyn negizgi áreket túri ekeni belgili. Erte jastan bastap jetilýge deıin oıyn adam ómirinde mańyzdy ról atqarady. Ol motıvasıa beredi, proseske degen qyzyǵýshylyqty týdyrady, oń emosıalarmen jigerlendiredi, salaýatty básekelestikti týdyrýǵa múmkindik beredi. Qazirgi oıyndar bos ýaqytty ótkizýdiń qarapaıym túrinen bilim berýdiń mańyzdy quralyna aınalýda. Basqasha aıtqanda, oıyn elementteri oqý prosesine kiredi.
Mektepterdiń bilim berý prosesin geımıfıkasıalaýdyń ereksheligi - ol ártúrli aqparattyq tehnologıalar men quraldardy, mysaly, testter, onlaın-trenerler, tapsyrmalardy belsendi túrde engize bastaıdy. Olardy engizýdiń tabystylyǵy pedagogterdiń kásibıligi men sıfrlyq quzyrettiligine tikeleı baılanysty.
Semınarǵa qatysýshylardyń pikirinshe, bilim berý salasyndaǵy naqty oń ózgerister úshin İTsfera men psıhologopedagogıkalyq ǵylym men praktıka arasynda tyǵyz kollaborasıa qajet.
- Bizdiń qyzmetimizdiń negizi – bul bilim berý prosesinde kompúterlik grafıka men osy tehnologıalardyń vırtýaldy shynaıylyǵyna qatysty ıdeıalardy ilgeriletý, - deıdi Vadrix Group negizin qalaýshy jáne basshysy Vladımır Barınov.
Onyń bilim berý júıesine sátti ıntegrasıalanǵan jobalarynyń biri - medısınalyq joǵary oqý oryndary men kolejderdiń stýdentterine arnalǵan platforma. Ázirleýshiler stýdentterdi vırtýaldy naýqastar negizinde oqytýdy usynady. Sabaqtyń osy oıyn nusqasynda stýdentter naýqastyń tarıhyn qadaǵalap, naýqasty tolyq qalpyna keltire alady. Mundaı platforma stýdentterge qyzyqty ǵana emes, sonymen qatar olarǵa Vırtýaldy keńistiktegi qatelikterdi adamǵa zıan tıgizbeý arqyly óńdeýge múmkindik beredi.
Mektep sabaqtarynda geımıfıkasıany qoldaný tájirıbesimen №8 mektebiniń ınformatıka pániniń muǵalimi Gúljan Toıbaeva bólisti. Onyń aıtýynsha, balalar mundaı sabaqtardy áldeqaıda jaqsy qabyldaıdy, aqparatty qyzyǵýshylyqpen sińiredi jáne jańa taqyryptardy zertteýde kóbirek bastama kórsetedi.
Semınar qorytyndysy boıynsha zamanaýı bilim berý mekemeleriniń oqytýshylaryn zamanǵa saı, básekege qabiletti jáne ashyq jańa urpaqty tárbıeleýge múmkindik beretin bilimmen qamtamasyz etý úshin birqatar sharalar men usynystar ázirlendi. Bul «Rýhanı jańǵyrý» baǵdarlamasynyń maqsattaryna tikeleı jaýap beredi, onyń basty mindeti – eldiń ulttyq biregeıligin saqtaý jáne ony jańa álemniń syn-tegeýrinderine daıyn etý.