Syrttaı tekserý kezinde zorlyq-zombylyq belgileri tabylǵan joq
8 sáýirde Qapshaǵaı qalasynda jas jubaılar asýly kúıinde tabyldy. Jigit 22 jasta, al jas kelin nebári 18 jasta, dep habarlaıdy Almaty-akshamy.kz.
Almaty oblysy PD baspasóz qyzmetiniń málimetinshe, erli-zaıyptylardyń (22 jastaǵy jigit pen 18 jasar qyz) máıitteri 8 sáýirde Qapshaǵaı qalasynda qalalyq janar-jaǵarmaı beketteriniń birine jaqyn mańnan tabylǵan.
«Jábirlenýshiler asýly turdy. Syrttaı tekserý kezinde zorlyq-zombylyq belgileri tabylǵan joq, sondyqtan erli-zaıyptylar óz-ózderine qol jumsaýy múmkin dep boljam jasaýǵa bolady», - delingen habarlamada.
Qazirgi ýaqytta atalǵan derek boıynsha barlyq mán-jaılar anyqtalyp jatyr. Túpkilikti prosesýaldyq sheshim sot-medısınalyq saraptama nátıjeleri boıynsha qabyldanady.
Tergeý múddesi úshin tolyǵyraq aqparat jarıa etýge jatpaıdy.
«Sondaı-aq, azamattardan tek resmı aqparat kózderine súıenýdi suraımyz. Qylmystyq zańnamada jalǵan aqparat taratqany úshin jaýapkershilik qarastyrylatynyn eske salamyz», - delingen habarlamada.