Medıaholdıng ǵımaratyna irgeles jatqan aýmaq túgeldeı qoqystan tazartyldy
Birge – taza Qazaqstan respýblıkalyq aksıasy aıasynda ótken jalpyqalalyq senbilikke «Alatay Aqparat» medıaholdıngine qarasty «Almaty Aqshamy» jáne «Vechernıı Almaty» gazetteri redaksıasynyń ujymy da qatysty, dep habarlaıdy Almaty-akshamy.kz.
Aıta ketsek, jalpyqalalyq senbilik 9 sáýir tańerteń bastaldy. Belsendi ómirlik ustanymymen erekshelenetin bizdiń qyzmetkerler de bul aksıaǵa belsene qatysty. Olar redaksıa ǵımaratyna irgeles jatqan aýmaqty tazartyp, abattandyrý jumystaryn júrgize otyryp bar jasyl alqaptardy sýaryp, aram shópterden tazartty.
Sondaı-aq jumysshylar keńse men qoımalarda jınalǵan qoqysty tazartty, ol jerden barlyǵy eki tonnadan astam qoqys shyqty.
Qalada ótetin senbilik jáne abattandyrý boıynsha atqarylǵan sharalar «Alatay Aqparat» medıaholdınginiń gazet betterinde jáne ınternet-resýrsynda únemi jarıalanyp otyrady.
