Elektr energıasy 31,4%-ke qymbattaǵan.
Bıylǵy jyldyń birinshi toqsanynda qazaqstandyqtar komýnaldyq qyzmetterge, turǵyn úıdi ustaýǵa jáne jóndeýge orta eseppen 59,6 myń teńge jumsaǵan, dep habarlaıdy Almaty-akshamy.kz Energyprom.kz málimetterine silteme jasap.
Qazaqstandyq otbasylardyń komýnaldyq qyzmetterge, turǵyn úıdi kútip ustaýǵa jáne jóndeýge jumsaǵan shyǵyndary bir jylda 11%-ǵa ósti.
"Bıylǵy jyldyń birinshi toqsanynda qazaqstandyqtar komýnaldyq qyzmetterge, turǵyn úıdi ustaýǵa jáne jóndeýge orta eseppen 59,6 myń teńge jumsady, bul ótken jyldyń birinshi toqsanymen salystyrǵanda 10,8%-ǵa kóp", - dep jazylǵan habarlamada.
Ásirese elorda turǵyndarynyń shyǵyny kóp, olar 103,7 myń teńge jumsaıdy. Bul ótken jylǵy qańtar - naýryzben salystyrǵanda 6,5%-ǵa jáne el boıynsha ortasha kórsetkishten 73,8%-ǵa artyq.
Sondaı-aq Almaty men Qaraǵandy oblysynyń turǵyndary da úı sharýashylyǵyna qarajatty kóp jumsaıdy. Al komýnaldyq qyzmetter, turǵyn úıdi kútip ustaý jáne jóndeý úshin Abaı, Shyǵys Qazaqstan jáne Atyraý oblystarynyń turǵyndary aqshany eń az jumsaıdy.
Bıyl mamyrda úı qyzmetterine, sýǵa, elektr energıasyna, gazǵa jáne basqa da otyn túrlerine baǵa bir aıda 0,9%-ǵa, al bir jylda 17,6%-ǵa ósken:
qoqys shyǵarý qyzmetteri - 6,1%;
elektr energıasynyń quny - 1,8%;
turǵyn úı-jaılarǵa qyzmet kórsetý jáne jóndeý qyzmetteri - 1,7%;
sý burý qyzmetteriniń quny - 0,2% ósti.
Bir jylda:
sý burý qyzmetteri - 43,9%;
sýyq sý - 35,9%;
ystyq sý - 35%;
jylytý - 33%;
elektr energıasy 31,4%-ǵa qymbattady.