Ózińizdiń jáne basqalardyń da qaýipsizdigi saqtyq sharany saqtap, muqıat bolýyńyzǵa baılanysty.
QazAvtoJol aýa raıynyń buzylýyna jáne daýyldy eskertýdiń jarıalanýyna baılanysty jolda qaýipsizdikti saqtaý týraly eske saldy, dep habarlaıdy inbusiness.kz saıty.
1. Jyldamdyqty azaıtyńyz: Jazǵy daýyl kezinde qatty jańbyr men jel bolýy múmkin. Onyń saldarynan jol kórinbeı, qozǵalys nasharlaıdy. Jyldamdyqty azaıtyp jáne qaýipsiz araqashyqtyqty saqtańyz.
2. Kenetten manevr jasamańyz: Dymqyl jolda kólikti kenet burý jáne tejegishti basý onyń syrǵanaýyna ákelýi múmkin. Kólikti erkin júrgizińiz.
3. Jaryqty jaǵyp júrińiz: Jol nashar kórinetin kezde jaqyn jaryq pen tumanǵa qarsy jaryqty qosyp aıdańyz. Sebebi basqa júrgizýshilerge sizdiń kóligińiz kórinýi tıis.
4. Tereze tazalaǵyshtyń jaramdylyǵyn tekserip, jýǵysh suıyqtyqty toltyryp alyńyz. Jaýyn kezinde sizge jol jaqsy kórinetin bolady.
5. Joldaǵy synyqtarǵa daıyn bolyńyz: Qatty jel aǵashty qulatyp, onyń synyqtary jolda shashylyp jatýy múmkin. Sondyqtan muqıat qarap, kedergilerden aýlaq bolyńyz.
6. Sý basqan ýchaskelerdi baıqańyz: Eshqashan tereń sý arqyly ótpeńiz. Sýdan shuńqyrlar kórinbeı, kóligińizge zaqym kelýi múmkin.
7. Aýa raıyn baqylap, joldyń jaǵdaıy týraly habarlamalardy qarap otyryńyz. Ózekti eskertýler men usynystar boıynsha habardar bolyńyz.
8. Qaýipsiz jerge toqtańyz: Daýyl kúsheıetin bolsa, onda aǵashtar men elektr jelisinen qaýipsiz jerge toqtap, aýa raıynyń jaqsarǵanyn kútińiz.