Soǵan qaramastan, QR UEM Tabıǵı monopolıalardy retteý komıteti tarıfterdiń negizsiz ósýine jol berilmeıtinin aıtýda.
Komıtet málimetinshe, «qyzyl aımaqtaǵy» monopolıserdiń 100%-ǵa jýyǵy ınvestısıalardy ulǵaıtýǵa ótinim bergen, dep habarlaıdy Almaty-akshamy.kz.
«Búgingi tańda QR UEM TMRK aýmaqtyq departamentterinde tozý deńgeıi joǵary tabıǵı monopolıalar sýbektileriniń 71 ótinimi qaralýda. Aǵymdaǵy aıdyń sońyna deıin TMS-tyń taǵy 5 ótinimi kelip túsedi dep kútilýde», – delingen habarlamada.
Salalar boıynsha jaǵdaı mynadaı:
jylýmen jabdyqtaý: 10 óńirden 21 ótinim tústi (Almaty q, SHQO, SQO, Aqmola, Qaraǵandy, Qostanaı, Pavlodar, Mańǵystaý, Jambyl, Abaı oblystary), taǵy 2 ótinim kelip túsedi dep kútilýde (Pavlodar, Jetisý oblystary)
elektrmen jabdyqtaý: 13 óńirden 16 ótinim tústi (Aqmola, Aqtóbe, Mańǵystaý, Qaraǵandy, Qostanaı, Jetisý oblystary, Almaty q. jáne Almaty, Jambyl, BQO, SQO, SHQO jáne Abaı oblystary)
sýmen jabdyqtaý: 8 óńirden 13 ótinim tústi (Aqmola, Pavlodar, Qostanaı, Qaraǵandy, Jambyl, SHQO, Abaı, Ulytaý oblystary), taǵy 1 ótinim kelip túsedi dep kútilýde (Almaty oblysy).
sý burý: 11 óńirden 21 ótinim tústi (Aqmola, Pavlodar, Qostanaı, Qaraǵandy, Mańǵystaý, Aqtóbe, SHQO, BQO, Abaı oblystary jáne Shymkent q.) taǵy 2 ótinimniń kelip túsýi kútilýde (Almaty, Túrkistan oblystary).
«Belgili bir tarıfti ózgertý týraly sheshim qabyldamas buryn tutynýshylardyń, jurtshylyqtyń, máslıhat depýtattarynyń, «Atameken» UKP jáne BAQ ókilderiniń qatysýymen jarıa tyńdaýlar ótkiziledi. Aıtylǵan pikirler tarıfterdi qalyptastyrý kezinde eskeriledi. Sonymen qatar, tarıfterdiń qalyptasýyna ár óńirdiń áleýmettik-ekonomıkalyq jaǵdaıy da áser etedi, tarıfterdiń negizsiz ósýine jol berilmeıdi, tarıf halyq úshin ádil jáne qolaıly bolady», – dep málimdedi komıtetten.