Reıd barysynda kalán qoldanýdyń 267 deregi anyqtalyp, 151 shylym shegetin qural tárkilendi
Bul - qalanyń oıyn-saýyq mekemelerinde júrgizilgen tórt kúndik reıdtiń nátıjesi, dep habarlaıdy Almaty-akshamy.kz.
«Oıyn-saýyq mekemelerindegi zań buzýshylyqtardy aýyzdyqtaý maqsatynda jedel aldyn alý sharasy júrgizildi. Eske salaıyq, qoǵamdyq oryndarda kalán shegýge tyıym salýdy engizý týraly jarlyq 2013 jyldyń 14 naýryzynda kúshine engen bolatyn. Biraq jastar zańdy elemeı, qoǵamdyq tamaqtaný oryndarynda, túngi klýbtar men barlarda jupar ıisti tútinmen tynystaýyn toqtatpaıdy. Osy reıd barysynda 54 oıyn-saýyq oryndary tekserildi. Kalán qoldanǵany úshin 267 adam ákimshilik jaýapkershilikke tartylyp, 151 birlik kalán tárkilendi. QR ÁQBtK-niń 441-baby boıynsha buzýshylyqtar anyqtalǵan jaǵdaıda, kalán shegetinderge 15 AEK kóleminde aıyppul salynady. Buzýshylyq qaıtalanǵan jaǵdaıda – 20 AEK. Al mekeme ıelerine 20-dan 60 AEK-ke deıin aıyppul salynady. Lısenzıasyz satylǵan 138 dana alkogóldik ónimder tárkilendi», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Kalán óziniń dámi jáne hosh ıisimen qyzyqtyrady. Alaıda, kóptegen jastar «dámdi» tútindi jutý qarapaıym temekige zıansyz balama dep sanaıdy. Biraq kalánnyń sý súzgisi de, basqa qosymsha qorǵanys quraldary da temeki shegýdiń qaýipsizdigin jáne aýyr aýrýlar men táýeldilikterdiń paıda bolmaýyn qamtamasyz etpeıdi.