Kólsaıdyń ǵajaıyp muzy
Almatylyq mánerlep syrǵanaýshy Ksenıa Pankratova Kólsaıda kónkı teýip, taǵy da kópshiliktiń yqylasyna bólendi, dep habarlaıdy Almaty-akshamy.kz QazAqparatqa silteme jasap.
Ksenıa Pankratova syrǵanaǵan sátin Instagram paraqshasynda jarıalap, «Kólsaıdyń ǵajaıyp muzy», degen jazý qaldyrdy.
Jeli qoldanýshylary vıdeo astyna «Ǵajaıyp», «Sondaı ádemi», «Sándi vıdeo», «Tamasha», «Ádettegideı teńdessiz», «Qazaqstannyń týyn alyp syrǵanaǵanda odan da keremet bolar edi», «Ertegidegideı», - degen pikir qaldyryp, jyly lebizderi jetkizip, tańqalysty.
Aıta ketsek, bıyl jyl basynda Ksenıa Pankratova muz qatqan Qapshaǵaı sý qoımasynda qyzyl kóılekpen syrǵanap, jeli qoldanýshylarynyń kózaıymyna aınalǵan edi.
Sondaı-aq, sáýir aıynda mánerlep syrǵanaýshy Baıanaýyldyń sulýlyǵyn kórsetip, jelidegilerdi taǵy qýantty.
Eske salsaq, sportshy, bapker Ksenıa Pankratova Úlken Almaty kólinde mánerlep syrǵanap, 2018 jyldan bastap, kópshiliktiń kóńilinen shyǵa bastap edi.