Qatty jel turyp, aınalany apaı-topaı etti
Sondaı-aq Oral qalasynyń keıbir yqsham aýdandarynda sý joq. Buǵan tabıǵattyń minez tanytýy sebep, dep habarlaıdy Almaty-akshamy.kz.
Habar 24-tiń málimetinshe, óńirde aýa temperatýrasy 5 gradýs sýyq. Qatty jel turyp, aınalany apaı-topaı etti. Qolaısyz kún raıy komýnaldyq jelilerge zaqym keltirip jatyr. Qazirdiń ózinde Aqjaıyq, Báıterek, Tasqala, Bórli, Jánibek, Jańaqala aýdandary jáne Oral qalasynyń teń jartysy jaryqsyz otyr.
«Apatty joıý jumystary júrgizilip jatyr. Elektr jelilerine jaýapty kompanıa tarapynan 32 adam men 15 arnaıy tehnıka jumyldyryldy»,-deıdi BQO TJD baspasóz qyzmeti.
Sonymen qatar oblys ortalyǵynyń keıbir shaǵyn aýdandarynda aýyz sý toqtap qaldy.
«Qolaısyz aýa raıy saldarynan jerasty sýtartqysynyń sorǵy stansıalaryndaǵy kerneýdiń tómendeýine baılanysty sorǵylar buzyldy. Qalalyq sý qubyry jelilerindegi qysym tómendedi. Qazirgi ýaqytta jóndeý jumystary júrgizilýde»,-deıdi Oral qalasynyń sýmen qamtý kásiporyny.