Qaıyńdyda týrısterdi tasyp júrgen eki kólikter aýdarylyp ketken.
Bul másele tóńireginde buǵan deıin birneshe ret kóterilgen bolatyn, dep habarlaıdy almaty-akshamy.kz.
Buǵan deıin týrısik orynnyń qordalanǵan máselesin kótergen jýrnalıs Dıas Nuraqyn áleýmettik jeli arqyly taǵy da tıisti oryndarǵa eskertý jasady.
Qaıyńdydaǵy jol apatynan japa shekkender sany 35 adam eken. 34 naýqastyń keıbiri 150 shaqyrym jerdegi Shelek aýrýhanasyna, kóbi 300 shaqyrym jerdegi oblystyq Aýrýhanaǵa jetkizilgen. Tek bir adam Kegen aýdandyq aýrýhanasyna jatqyzylypty. Kegendegi aýrýhana jóndeýden ótken, qural-jabdyqtary túgel bolsa nege naýqastardy alysqa tasydy eken? Ótkende jylan shaqqan balaǵa ýǵa qarsy dári taba almaı óltirip alǵan aqhalattylar, jol apatyna túskenderge med kómek kórsetýge dármensiz boldy ma?
Jol apatynan zardap shekken 35 adamnyń beseýi sheteldik týrıser eken. Úsheýi Úndistan, ekeýi Reseıden kelgen. Qazaqtyń jerin kóremiz dep kelip, qaıǵyly jaǵdaıǵa dýshar bolǵandar úshin men uıalyp otyrmyn. Óıtkeni týrızmdi damytamyz, elge týrıs tartamyz dep kópirgenimizben, demalýshylardy áli kúnge eski ÝAZ, PAZ kólikterimen tasyp júrmiz. Biraq tasymaldaý quny "maıbah", "gelendvagennen" kem emes. Myna túrimizben bizdiń elge bir kelgen adam ekinshi jolamaıtyndaı bolady. QR Týrızm jáne sport mınıstrligi qulaqtaryńyzǵa brıllıant syrǵa.
Kesheli beri paraqsham aýdan dárigerleriniń atakasyna ushyrap jatyr. "Bes saǵat boıy tik turyp kómek kórsetkinimizdi qalaı joqqa shyǵarasyz?, Jalǵan aqparat taratpańyz, siz ol jerde bolǵan joqsyz"-degen syńaıdaǵy kommentterdi burqyratypty. Aınalaıyndar-aý, sizderdiń naýqastarǵa kómek bergenderińizdi eshkim joqqa shyǵarmaıdy. Másele med kómek der kezinde boldy ma? Kez-kelgen apatta japa shekkenderge alǵashqy bir saǵatta sapaly medısınalyq kómek kórsetilse, ol adamnyń tiri qalýy 90 paıyzǵa artady eken. Qaıyńdyda qyrylyp qala jazdaǵan týrıserge 15-20 skoryı kelgenin bilemin. Biraq olar Shonjydan, Shelekten, Talǵardan jetkenshe kemi eki saǵat ýaqyt ketti ǵoı. Naýqastardy aýrýhanaǵa aparǵansha taǵy birneshe saǵat jol júrdi. Onsyz da aıaq-qoly synyp, jany qınalyp, aýyrsynyp jatqan adamǵa tórt saǵat dárigerlik kómekti kútý óte aýyr. Tipti "bolevoı shoktan" ólip ketýi de múmkin edi keıbiri. Sondyqtan men týrısik aımaqta aýrýhana bolsyn degen talap qoıyp otyrmyn. Jalańashtaǵy burynǵy aýrýhana ǵımaratyna bıyl 900 mln teńgege jóndeý jasap, sanatorıı ashty. Halyqqa shıpajaı emes aýrýhana kerek. Halyq sany az degen jeleýdi qoıý kerek. Jylyna Kólsaı men Qaıyńdyǵa 500 myń týrıs keledi. Olar birdeńege arandasa tirkeýi joq dep qaraýsyz qaldyramyz ba?
P.S. Qaıyńdyda jol apaty bolyp, bári sonymen júrgende Saty aýylynyń jolyndaǵy Qyrqoby asýynda taǵy bir apat bolypty. Aýyr júk kóliginiń tejegishi isten shyǵyp, taýdan tómen qaraı quldılaǵan. Júrgizýshi jansaýǵalap kabınadan sekirip ketken eken. Biraq tiri qalmapty. Ol kisi de kóz jumdy degen aqparat jetti. Kólsaı men Qaıyńdydan kúrep aqsha tabamyz dep qaýipsizdikti umyttyq degen osy?!, -dep jazdy jýrnalıs.
PS: belgili jýrnalıs Dıas Nuraqyn bolǵan oqıǵaǵa qatysty qosymsha aqparat berdi. Qaıyńdydaǵy iri jol apaty týraly qosymsha aqparat. Pazık avtobýsy men býhanka ÝAZ soqtyǵysqan. Birinde "Banan týr", ekinshi kólikte "Saıahattaıyq" degen kompanıanyń týrıseri bolypty. Barlyǵy 34 adam. Sonyń bireýi ólip, 20-sy jaralanǵan. On týrıs asa aýyr hálde eken. Olardy sol baıaǵy saldyr-salaq ýazıktermen, aýyldaǵy taksıstermen Jalańashtaǵy, Kegendegi aýrýhanalarǵa jetkizgen. Der kezinde medısınalyq kómek kórsetilgen joq. Súıek-saıaǵy shashylyp qalǵan adamdy oıdym-oıdym Qaıyńdynyń jolymen alyp túskenshe shyrqyraǵan jan daýysy shyqqan shyǵar, naýqastardyń?!